YOLLAR(QARABAĞ HƏSRƏTİ)

                       

                        YOLLAR(QARABAĞ HƏSRƏTİ)

Əlində təsbehi qocaman baba

Çıxacaq yollarla görüşə sarı.

Çinar kölgəsində ayaq saxlayıb.

Səbirlə süzəcək uça dağları.

Şirin zümzümələr heyran edəcək

İllərin qoynundan qopur kəlmələr.

Niyə yad səngəri oldu bir zaman

Kəhər at qovduğu boz irəmlər?

Bir az yaxınlaşıb əl uzadaqaq

Murovdan ovcuna qar almaq üçün

Yollara deyəcək ,,qaytarın məni,,

Qarabağ elində yıxılmaq üçün.

İnciyib küsəcək dünənki kimi

Yollarda qalacaq yenə günahlar.

Qoca heç nə bilmir,bilmək istəmir.

Qopacaq qəlbini yandıran ahlar:

-Babamın yurdunda at rəhmin hanı.

Gətirdiyin kimi,qaytar gün keçir,,

Siləcək gözündə donan yaşları:

                      -Çayımın suyundan bir qurtum içir,,.

                      Susacaq,sakitcə dinməz, təmkinli

                      Təsəlli verməkdir bircə əlacı

                      İkicə giləni içib gözüdən

                      Qocanı edəcək yenə duaçı.

                     

                      Şükür kərəminə,deyəcək qoca,

                      A Tanrı,ümidim bir sənə qalıb.

                      Dikəcək gözünü sonsuz yollara.

                      Vətən həsrətini könlünə alıb.

                       

                      İnsanda yolların səbri varmı ki,

  Dinləyə illərlə yanan kəsləri?

  İndi bildinizmi niyə yolların

  Çat-çatdır sükultlu,dinməz dilləri.

 Axı neyləsinlər,nə söyləsinlər

 Qocaya təsəlli necə versinlər?

 Yorulan yolların taleyi budur

 Şirin təsəllilər,ümid versinlər.

İlham İdrisoğlu 10.06.2012 Brest

Baharı gözləyir yağışlı yollar

Yollar(Baharı gözləyir yağışlı yollar)

Qaranlıq gecədə baxın yollara

Gecə sükutuyla qol boyun qalır.

Aylı gecələrdə sonsuz səmayla

Dayanıb gözbəgöz sükuta dalır.

Axşamın şehiylə yuyub üzünü

Sərin küləklərlə qurulayacaq.

Gizlin görüşləri gözləyib yenə.

Özü görüşməkçün haraylayacaq.

Səhəri gözlıəyir,gəlib keçəcək

Məktəbə tələsən qızlar,oğlanlar.

Artıq ilk sevginin alovlarında.

Gizli-gizli baxıb oda yananlar.

Alıb gizləyəcək tər bənövşəni

                      Sağına,soluna düzülən kollar

                      Günəş nəfəsində qızınmaq üçün.

Baharı gözləyir yağışlı yollar.

Böyük dünyamızın sonsuz yolçusu

Görən niyə axı yorulmur yollar?

Hey gedir,uzanır dayanmaq bilmir.

Getdikcə böyüyür daralmır yollar.

Birdən də incəlir,görünməz olur.

İncə sapa dönür yorulmaz yollar

Qorxmayın,düzdürsə arzu kamınız.

Dözər hər istəyə,qırılmaz yollar.

Yollar xoşlayırlar dillərinizdən

Qopan pıçıltını,xoş çümzüməni.

Axı darıxırlar,yalqızlıq yorur

Oxuyun yollarçün hərdən nəğməni.

Mütləq dinləyəcək,qəlbi həssasdır

Dərdi sərinizi deyin,qorxmayın.
                      Tanrının çəkdiyi bir dəsti xətdir

Gedin düz yollardan kənar çıxmayın..

Yenə gözləyəcək qisməti budur

Gedənə əl edib yola salacaq.

Səbrlə boylanıb mürgüləsə də

Gələni görəndə salamlayacaq.

İlham İdrisoğlu 4 iyun 2012 Brest

Yollar

Yollar(Yoldan tapdığınız qismətinizdir)

Qəribə dünyadır,bilmirəm niyə

Yolların saçları tez ağarırlar.

Bəlkə üstü ilə gedən yolçunun

Halına yanırlar,hey ağrayırlar

                      Yollar niyə belə möcüzədirlər?

Gələni tələsik yola salırlar.

Gedəni gəlməkçün hey boylandırıb

İllər həsrətindən ləzzət alırlar.

Axı niyə yollar yaşamır bizsiz?

Qoynunda gəzməsək yas saxlayırlar.

Yovşandan,qanqaldan çalıb başını

İnsan nəfəsini soraqlayırlar.

Yollar bir tarixdir,sonsuz yaddaşdır

Nəsildən nəsilə yadigar qalır.

Müdrik qoca kimi dastanlar deyir.

Səbri nə tükənir,nə də daralır.

Yollardır çatdıran xoş xəbərləri

Hərdən elə bil ki,özüdür qaçan.

Kədəri,nisgili alıb çiyninə.

Sanki zaman deil,özüdür uçan.

Yollara söyləyin,dərdi,sevinci

Səbri tükənməzdir,dinləycəkdir.

Yollarda axıdın göz yaşlarını

Ürəyi dərindir,gizləyəcəkdir.

Yoldan tapdığınız qismətinizdir

Onlar da xoşlayır hədiyyə etsin.

Dolanın qoynunda acın könlünü.

Qoymayın üstündə tikanlar bitsin.

İlham İdrisoğlu Brest 17.05.2011