Mənim o insanla yolum düz gəlməz.

Mənim o insanla yolum düz gəlməz

Yaltaq,baş əyənə tac qoyubdursa
Mərdin ayağına qandal buyubsa.
Bir içim su üçün maraq qoyubsa.
Mənim o insanla yolum düz gəlməz

Körpə balıasını bölüb,bölüşə
Birinə bəd olsa,birinəsə şən.
İnsanlıq donunu cinlə dəyişə
Mənim o insanla yolum düz gəlməz

Səhər yalanlara min palan vursa,
Xeyir iş görənə cələlər qursa,
Axmaq fikri üstdə dayanıb dursa,
Mənim o insanla yolum düz gəlməz.

Özündən xoflanıb düşmən gəzirsə,
Gözləri hər əldə loxma gəzirsə,
Düzlüyü sakitcə basıb əzirsə,
Məim o insala yolum düz gəllməz.

Şeytan dərslərində əzbərçidirsə,
Günahlar yolunda zərbəçidirsə,
Qartallar yanında boz sərçədirsə,
Mənim o insanla yolum düz gəlməz.

Yanımdan keçəndə baş sallayırsa,
Nadanı oxşayıb yasalayırsa,
Qorxudan quyruğu hey sallayırsa,
Mənim o insanla yolum düz gəlməz.

Gözündə tirləri seçə bilmirsə,
Dostu sevinəndə o da gülmürsə,
Xain yüyənini hey gəmirisə
Mənim o adamla yolum düz gəlməz...

Ardı var...İlham İdrisoğlu Brest.

İllərlə dərdimi çəkən ürəyim.

Yenə qayıdıram ata yurduma,
Ürəyim gizlincə hey inildəyir.
Gedirik,qürbətdən,bir ürək,bir mən.
Körpəlik illərim məni səsləyir.

Yenə o dağlardan alacaq nəfəs.
İllərlə dərdimi çəkən ürəyim.
Yenə təndir üstə xumarlanacaq.
Babamdan yadigar isti çörəyim.

Yenə səhər-səhər qulaqlarıma
Gələcək nəğməsi tənha bülbülün.
Şirin yuxularda hey duyacağam
Ətrini utancaq tək qızıl gülün.

Yenə yandıracaq ayaqlarımı
Babamin gəztiyi o isti torpaq.
Xəyalar çəkəcək ötən illərə.
Deyəcəklər gedək bənövşə tapaq.

O kolun dibində yoxdur bənövşə.
Bilirəm,zamanla köçür güllər də.
Bir qürbət nəfəsim,hicran harayım.
Qaldı bu vətənsiz,soyuq illərdə.

Deməyin,sormayın,kimdir günahkar.
Tale qələmini kim yoza bilər?
Bax belə dağınıq,həm də ağrılı,
Keçir ömrümüzdən qayıtmaz illər.

İlham İdrisoğlu Brest 19.05.2013

Günahlar insanı aciz eyləyir.

Günahlar insanı eyləyir

                        Qoy incisin ,küssün cavab gözləyən.

Axı ürəyimiz bezib yalandan.

Dostluq o insanla əbədidir ki,

Dar  gündə tutacaq gücsüz qolundan.

Söylə həqiqəti,qaçma yolundan.

Günahlar insanı aciz eyləyir.

Sən mənə,mən sənə deməyin hərgah.

Səni  tənqid edən xoş gün diləyir.

Yalan şəkərdir ki,çisgini gözlər

Əriyib gedəcək xırda yağışda.

Həqiqət qayadır,sınmaz bir daşdır.

Şaxtaya,soyuğa dözəcək qışda.

Bir kəlmə xoş sözün dalınca qaçma.

Dustağı olma gəl yalan sözlərin.

Unudub puç etsən öz mənliyini

Gəzəcək yaltağı daim gözlərin.

Axtarma mənfəət işi düşəndən.

Tanrı qismətinə yazanla barış.

Çəkilib dayanma,baxma kənardan.

Elninin dərdinə,sərinə qarış.

Bir də diqqət eylə,zalim dünyadır.

Verdiyi çörəyi başa qaxan var.

Dilinin açarı özxündə olsun.

Kəlmənə söykənib evlər yıxan var.

Saxta gülüşlərin olma xəstəsi.

Tərif ağaçının kökü dayazdır.

Gündə əlli dəfə can-can deyəni

Bağrına basma gəl,qəlbi ayazdır.

İlham İdrisoğlu Brest 01.10.2012.

Açarsan qəlbini duyana,dostum.

Açarsan qəlbini duyana,dostum.              

  

 

  Tənhalıq körpüsü necə uzunmuş

Durub ortasında ürəyim donmuş.

Hər yan qaranlıqdır,çıraqlar sönmüş

Üzümü tutum mən hayanə,dostum?

Tale bizdən əvvəl yazılıb hazır.

Bir qismət payızdır,başqası yazdır.

İnsan var dindirsən ürəyi buzdur.

Çətin ki,xoş sözdən oyana,dostum

Bir əlində sevinc,birində qəhər

Günəşli,çisginli açılır səhər.

Dərdini soruşan olsa bir təhər.

Açarsan qəlbini duyana,dostum.

İlham yaxşı görür ucuz kəsləri.

Alçaq dağdan gəlir uca səsləri.

Mərdlərə hökmdar etmə pisləri.

Salamı ver səni sayana,dostum.

İlham İdrisoğlu Brest 29.07.2012

Görəsən gözümüz nə vaxt doyacaq?

                  Görəsən gözümüz nə vaxt doyacaq?

Hərdən düşündürür məni bir sual:

,,Görəsən,gözümüz nə vaxt doyacaq?,,

Yoxsa bunun üçün doğulmuşq biz?

Unudub hər şeyi,dövlətçün qaçaq?

Görəsən dünyanın malı üçünmü?

Başımız bu qədər ağrımalıymış.

Niyə unuduruq mənliyimizi?

Alır ağlımızı andıra qalmış.

Atılıb qoynuna çabalayırıq

Qaynayan dəryada batmamaq üçün

Ancaq unuduruq,çətindir durmaq.

Altında gücümüz çatmayan yükün.

Əlimiz yığdıqca dünya malını

Gözümüz hey baxır yana,yörəyə.

Tamah qılınc çəkir,nəfis qurd kimi.

Dişini batırır xırda ürəyə.

Görəsən,gözümüz nə vaxt doyacaq?

Bir gün bu cahana yumulandamı?

Anlayıb dünyanın oyunlarını

Qəflət yuxusundan oyanandamı?

İlham İdrisoğlu Brest 15.05.2012 Brest

Biqeyrət nə bilir elin qədrini

Biqeyrət nə bilir elin qədrini?

                      Düşsən gülüstana bülbülü axtar

Sərçə hardan bilir gülün qədrini?

Səpilib qoynyny sonalar tutar.

Qarğa hardan bilir gölün qədrini?

Çeynəyib hər sözü ucuz edən var.

Düz yolu tərgidib çəp də gen var.

Etdyiyi əməlçün dırnaq didən var

Boş baş hardan bilir əlin qədrini.

Qeyrət kəmərini unudan insan.

Düz keçər yanından odlara yansan.

Pis olmaz arabir sözünü udsan

Nadan hardan bilir dilin qədrini?

Danışıb özündən çıxanlar gördüm

Kükrəyib yalandan çaxanlar gördüm

Ay İlham,ucadan baxanlar gördüm.

Biqeyrət nə bilir elin qədrini?

İlham İdrisoğlu Brest 14.05.2012

Ləl,cavahir toxum əksən nə fayda?!

Ləl,cavahir toxum əksən nə fayda?!

Adı qorunmayan baba yurdunda

Mərmərdən imarət tiksən nə fayda?!

Bir yaş ki,kül oldu quru odunda

Üstünə sərin su töksən nə fayda?!

Dostu qova-qova düşmən eyləmə

                   Gedəni boş sözçün nahaq əyləmə

                   Bir sirr ki,açıldı,düşdü aləmə

                   Təzədən üstünü büksən nə fayda?!

                   

Ürəkdir duyğunun,hissin qalası

Yaxşini unutsan,pislə dolası. 

Bir dilin ki,kökü zəhər çalası

Üstünə şəkər,bal çəksən nə fayda?!

İlham dua edir,bəxtindən razı

Tanrı əl uzadıb min dəfə azı.

Əgər verilmirsə üzünə ruzu

Ləl,cavahir toxum əksən nə fayda?!

 

İlham İdrisoğlu Brest 16.04.2012

Vəfasızmı,deyim mən bu dünyaya?!

                         Vəfasızmı,deyim mən bu dünyaya?!

                      Bir gün tərk edəndə tozlu yollarla

Hardan biləydim ki,qayıdacağam.

İllərlə yığışan xiffətlərimi.

Qoynuna sığılıb dağıdacağam.

Durub arx üstündə boylanacağam.

Bahar təravətli yarpız,reyhana.

Düşəcək yadıma oxley götürüb.

Pencərli kətələr çevirən ana.

Quzu otardığım çayırlı çəmən

Qol açıb həsrətlə qucaqlayacaq.

Əlvan sinəsini seyrə dalınca

Neçə xatilələr çiçək açacaq.

Vəfasızmı deyim,mən bu dünyaya?

Örtür vərəq-vərəq,gedən gün dönməz

Tanrım,nə yaxşı ki,xatirələr var.

Durmuşuq üzbəüz,qəhərli,dinməz.

Gözüm hey axtarır süfrənin üstə

Anamın qoyduğu ətirli çayı.

Deyərdi,evə gəl,darıxdım,oğul.

Otur yanımızda barı bu yayı.

Mən hardan biləydim,vəfasız dünya

Verdiyi neməti geri götürür.

                      Sanırdım illərim həyat bağında

                      Lalələr bəsləyir,nərgiz bitirir...

                      Sanki bir yuxuymuş bu fani dünya.

                      Taleyin külüngü ayıltmadı da.

                      İllərə nə var ki,lal axan çaydır...

                      Caçıma düşən dən oyatmadı da

                      Deyəndə səhnədir,baxıb keçərsən

                      Güldüm,nə yaşım var,tələsim hara?

                      Geri boylanınca,titrəyir qəlbim.

                      Can qurban edərəm,tozlu yollara...

         

                       İlham İdrisoğlu Brest 15.04.2012

Bir az bəmdən çal sazını

      Bir az bəmdən çal sazını

Bir az bəmdən çal sazını.

Ürəyimin teli əsdi.

Beləcə tut avazını.

Mənə bircə misrab bəsdir

Deyiləsi sözüm qalıb

Borçalıdan,Qarabağdan

Arzum budur telli sazın

Səsi gəlsin bax o dağdan.

Qoy titrətsin qayaları

Həsrət dolu qoşa tellər.

,,Kərəminin,, yanğısını

Mizrabından duysun ellər.

İlham İdrisoğlu 29 mart 2012 Yevlax,Köyük kəndi.

Kin qəlbi çürüdən qurd deyilmi ki!?...

Kin qəlbi çürüdən qurd deyilmi ki!?...

Kin qəlbi çürüdən qurd deyilmi ki

Hərdən içimizi yeyir xəlvəti?

Xış kimi çevirir,əkir dünyanı

Səpir bar verməyən sonsuz nifrəti.

Kin-kudrət deyilmi könlün qəfəsi

Məslək yol tapmayır azad dünyaya?

Sanki ağır yükdür batan gəmidə

Çəkir,sürükləyir sonsus dəryaya.

Kinin ayazında qalxmır, dirçəlmir

Körpə çiçək kimi donur mərhəmət

Kinin alovunda qarsılır,solur

Güllü budaq kimi yanır məhəbbət.

Yatmış vulkan kimi oyanır hərdən

Odlu nəfəsiylə kül üfürərək.

A Tanrı,o kəsə yazığım gəlir

Çırpınır köksündə kin dolu ürək!

İlham İdrisoğlu. 28mart 2012 .Köyük kəndi.

Allah,məni xoşbəxt etsən...

Allah,məni xoşbəxt etsən...

Allah,məni

yaza döndər

Qoy əridim

 ürəklərin 

quzeyində

donan buzu

Allah, məni

saza döndər

Hər telindən,

hər simindən,

qopsun,axsın

eşq avazı...

Allah,məni

bu dünyada

möhtac etmə

namərdlərə.  

Nə yaşasam

qoy yaşayım

gözlərimdən

gülə-gülə. 

Allah,məni

duza döndər

payla, kəlməm

şit olmasın.

İnsan oğlu

dinləyincə

sözlərimdən

usanmasın

Allah,məni

atıb getmə.

Verəcəyin

qismətimi

var-dövlətə

qurban etmə.

Allah,məni

xoşbəxt etsən

Göz yaşı da

dat gözünə. 

Səadətdən

dolsun gözüm -

leysan yağsın

yar üzünə...

 İlham İdrisoğlu 07.09.2011 Brest.

Qoy üstündə şeh tək təmiz ad olsun!

            Alıb bu badəni,dostum,deyirəm

Döyünən ürəyin daim şad olsun!

Tanrıdan xoş ömür-gün diləyirəm!

Pis iş kənar getsin,kədər yad olsun!

İstəmirəm dövlətini, malını,

Yolun düşsə soruş dostun halını.

Fikir,kədər turşutmasın alnını,

Qoy üsündə şeh tək təmiz ad olsun!

Xitab eylə,danışanda biriylə,

Dərdi açıb,çox danışma gileylə.

Neçə evlər yıxılıbdır dil ilə,

Vay o günə,bircə kəlmən bəd olsun!

Kəlmə var ki,yəhər üstə mindirir,

Kəlmə var ki,zirvələrdən endirir.

Kəlmə var ki,yanan eşqi söndürür.

Qoyma sözün özgələrə dərd olsun!

Söz sərçədir,geri dönməz uçursan,

Qanlı oxdur,yayı əldən qaçırsan,

Peşman olub öz-özündən qaçarsan.

Bir cüt gözün axı nədən dörd olsun?

Bir alovdur ,baxmır yaşa,quruya.

Bulalayır,qatır lili duruya.

İdrisoğlu,o dillər ki,quruya.

Gülüstanı kül eyləyən od olsun!

İlham İdrisoğlu 14 may 2010 Brest

İnsan,ədalətdən hey dəm vurursan!

İnsan,ədalətdən hey dəm vurursan!

Söylə,haqq kürsüsü görmüsənmi,hec!?

Doğrayıb tökürsən ,usanmayırsan,

Qeyrət qapısından girmisənmi heç!?

Dostluğa and verib yüz don biçirsən,

,,Sədaqət,, deyibən haray çəkirsən.

Hərdən yolun düsür,yaxın keçirsən,

Bir xəstə halını sormusanmı heç!?

Bəlkə deyə bilmir müqəddəs anan.

Sevic bağişlayıb,dərdini danan.

Qəzası dolaşıb ,odlara yanan,

İnsan harayına durmusanmı heç!?

İlham,çox gözləri görübdür gözün.

Bəlkə çoxlarına xoş gəlməz sözün.

Ürəyi yanana,bəndə, sən özün

Bir içim sərin su vermisənmi heç!?

İlham İdrisoğlu 25.01.1989 Moskva

Oynadırsan bu aləmi

              Qoca dünya,dəyişmirsən,

              Sevinc alib,verdin qəmi.

              Sirlərini bölüşmürsən.

              Tək tutursan zili,bəmi.

              Saz da səndə,söz də səndə.

              İpək səndə,bez də səndə.

              Yaxşı görən kor göz səndə.

              Gölməçəndə itir gəmi.

              İncimirəm,mən kiməm ki,

              Sən çəkirsən naxış,rəngi.

              ,,Vağzalını,,edib,,Cəngi,,

              Oynsdırsan bu aləmi...

              İlham İdrisoğlu 08.05.2010 Brest

             

A qardaş,kitabı nə var yazmağa

                           

                     A qardaş,kitabı nə var yazmağa,

                     Oxuyub qəlbinə sıxanı göstər!

                     Bənzədib işığı sönməz çırağa,

                     Səhər açılınca baxanı göstər!

                     Kim deyir,,şairəm,,,açsın ,,Xəmsəni,,

                     Bir də  vərəqləsin,,Qabusnaməni,,.

                     Mən səni oxudum,dostum,sən məni.

                     Gözündən bir gilə axanı göstər!

                     Hey duz çiləyirik özgə aşına,

                     Ağıl yetiririk  özgə başına.

                     İlhamın çarığı gəlmir xoşuna,

                     Astarı sökülən  çuxanı göstər!

                          İlham İdrisoğlu Brest 2010

Necə susum mən?

               

                          

                                      Əridib çöllərən qar yorğanını

                                      Güllü yaz gələndə,necə susum mən?

                                      Bürüyüb çəməni,düzü,talanı

                                      Lalələr güləndə,necə susum mən?

                                Baxıb balasının uca boyun  boyuna.

                                “Xoşbəxtik,ay bala,çatdıq  toyuna.”

                                Gülüb iftixarla mehriban ana,

                                Gözünü siləndə,necə susum mən?

                                       Ürək bır ağacdır,arzu mın budaq.

                                       Xəyal qanadındanda uçma çox uzaq.

                                       Ay İlham,ürəkdə alovlanaraq,

                                       Ümüdlər sönəndə,necə susum mən?

       

       İlham İdrisoğlu. Moskva 1991