◊ O görüşün xatirəsi yandırır.

◊ O görüşün xatirəsi yandırır.

Hərdən olur, şirin yuxu sanıram.
O görüşün xatirəsi yandırır.
Yada düşür daş oluram,donuram,
O görüşün xatirəsi yandırır.

Səbrim gedib,ümidlərim sarsılıb.
Ürəyimdən qara daş tək asılıb.
Ağlayaram qayasına qısılıb.
O görüşün xatirəsi yandırır.

Nə biləydim bağlarını gəzəndə,
Ağ dumanlı dağlarını süzəndə,
Hicran yaşı quruyacaq gözümdə.
O görüşün xatirəsi yandırır.

Ovucumda bircə icim suyu yox.
Varlığımda qışa dönüb,yayı yox.
Şuşasızam,İlham,dərdin hayı yox.
O görüşün xatirəsi yandırır.


İlham İdrisoğlu Brest 03.06.2010

Ay Şuşa!

◊ Ay Şuşa!

Ay Şuşa!
Qəlbim yanır,alovlara qalanır.
Yetişəydim bulağına,ay Şuşa!
Xatirələr görüşünə yollanır.
Yetişəydim qucağına,ay Şüşa!
***
Bir uşaqdım ayaq basdım yoluna.
Valeh oldum yamacına,yalına.
Ayaqyalın yollanaram qoynuna.
Yetişəydim dolağına,ay Şuşa!
***
Bizimləydin,qiymətini bilmədik,
Qorumadıq,aciz qaldıq,büdrədik.
Çınqıl ollam,ya qara daş,ya ləpik.
Yetişəydim çaylağına,ay Şuşa!
***
Sellər kimi qaynayaram,axaram.
Leysan olub düzlərinə yağaram.
Üz söykəyib, dil dolusu ağlaram.
Yetişəydim torpağına,ay Şuşa!
***
Niyə bizi ayri saldı bu illər?
Hanı dağlar,hanı xari bülbüllər?
Qiş səhəri yrəyimə yaz gələr.
Yetişəydim yaylağına,ay Şuşa!
***
İdrisoğlu camalına vurulub.
Ayrılıqdan gözüm kökü saralıb.
Dünya yaman zülmətləşib,qaralıb.
Yetişəydim çırağına,ay Şuşa!


İlham İdrisoğlu. Brest. 01.09.2009.

A Tanrı,möhlət ver...

 A Tanrı,möhlət ver,ümid ver bizə,
Şuşa qalasını bir də dolanaq.
İsa bulağından içib doyunca.
Gəlin qayasını seyrə yollanaq.
***
Möhlət ver,ümid ver,kəsmə rəhmini.
Natəvan nənəmin gözü yoldadır.
Qacarı sındırıb, geri qaytaran,
Alınmaz qalanın könlü dardadır.
***
Tərtərə baxıram,qaynayıb axır.
Gətirir dağların ab havasını.
Cırıq keçə üstdə yuxuya gedər,
Qaytar insanlara yurd-yuvasını.
***
Babalar ruhunu yad etsin deyə,
Dikilib dağlara həsrətli gözlər.
Yaralı könlünə nalələr salr
Çoban tütəyiylə oyanan düzlər...
***
Möhlət ver,a Tanrı,xari bülbülə
Yoxsa ürəyini odlar nəğməsi.
Nə yaman ağırmış,necə çətinmiş,
Babalar yurdunda yağı nəfəsi!


İlham İdris oğlu .Brest 20.07.2009.