Ürək sevgisiylə köçəydi qızlar

   Ürək sevgisiylə köçəydi qızlar

Arzum budur,bəxti-günü açılıb

Hərəsi bir evə köçəydi qızlar.

Taleyin səsinə özü hayanıb

Ürək sevgisiylə köçəydi qızlar

Bu günün gəlini,sabah anası

Əliylə bir evdə çıraq yanası.

Köçəri quşdurlar,sular sonası

Təki bircə dəfə köçəydi qızlar

İlham çox eşidib bu nəsihəti

Gəlindir ocağın sözü-söhbəti.

Qəlbində el sözü,ər məhəbbəti

Eldən elə töhfə köçəydi qızlar.

İlham İdrisoğlu 14 fevral 1989 Moskva