Ürəyimi aldı,neylim?

 Ürəyimi alsa,neylim?

Ürəyimi aldı neylim?

Gizlin-gizlin gülümsəyən,
Gözlər dərdə salsa neylim?
Məhəbbətcün qəribsəyən
Ürəyimi alsa,neylim?

Dünya güldü sən gəlincə,
İşvə-nazlı,beli incə,
Bu sevdanın gülü incə
Ayaz vurdu solsa,neylim?

Gecələri dalğın-dalğın
Ay baxanda göydən, durğun
Həsrətindən qəmli,yorğun
Gözüm yaşla dolsa,neylim?

Göylər qədər bir sevgim var,
Sən günəşsən könlüm bahar.
Yığın-yığın boz buludlar
Bizi ayrı salsa neylim?

İlham,bəlkə ötən illər
Varlığından dərdi silər.
Ala gözlər,bəyaz əllər
Özgəsinə qalsa neylim?

İlham İdrisoğlu 21.06.2010 Brest