◊ Gedir bu dünya

◊ Gedir bu dünya

Qovur bir- birini aylar,fəsillər.
Dən salır saçıma amansız illər.
Payızda yağşlar,yazda lalələr
Arzulu dünyamı oxşayır, gedir.

Yyxumu qaçıran o ala gözlü,
Bahar təravətli, nəğməli,sözlü,
Süzübən gözaltı hey gizli-gizli,
Qəlbimi odlara qalayır, gedir.

İnsan xəzinədir,ömrümüz karvan,
Dünyamız səhradır,talesə sarvan.
Ümid ulduzuyla işıqlanıban,
Gecəni gündüzə calayır, gedir.

İlham,alovlarla yoğrulur dünya.
Yanır,haqqsızlıqdan boğulur dünya.
Dözməyir,ağlayır,dağılır dünya,
Sel kimi kükrəyir, qaynayır, gedir.

İlham İdrisoğlu Brest 03.06 2010