Sən məni yuxuda çağır bir gecə

Sən məni yuxuda çağır bir gecə

Sən məni yuxuda çağır bir gecə

Götürüm qəlbimi, hüzruna gəlim.

Diz çöküm qarşında,təmənna edim.

Təki qayıtmasın sinəmə əlim.

Pıçılda,əsən meh yetirər xəlvət

Qoymaz sirrimizi bilsin bir kimsə.

Açıq pəncərəndən heyran baxaram.

Oyanma, bax belə şirin gülümsə


Ovcumda narahat tər bənövşələr

Gözləyir bu sirrli aylı gecəni

Səpilib o qıvrım tellərin üstə. 

Nura qərq etsinlər nazlı çöhrəni.

                  

Bir gecə yuxunda çağır sən məni.

Dadım taleyimin şirin payını.

Bir oxdur gözlərin dözə bilmirəm

Əhv eylə,ehmalca burax yayını.

     

Səhər dolaşanda eşq dünyamızı

Ətrin məftun edər,bihuş olaram.

Sən məni yuxuda cağır bir gecə.

Yuxulu dünyana heyran qalaram.

Dolanıb başına röyyalarında

Bircə busə üçün nələr etmərəm.

Gün doğar,ulduzlar üzünü örtər.

Xari bülbül kimi,güldən getmərəm...

İlham İdrisoğlu.Brest.13.04.2012

Qardaşım Elman Tovuzun şeirinin təbi aldı məni...