A Tanrı,möhlət ver...

 A Tanrı,möhlət ver,ümid ver bizə,
Şuşa qalasını bir də dolanaq.
İsa bulağından içib doyunca.
Gəlin qayasını seyrə yollanaq.
***
Möhlət ver,ümid ver,kəsmə rəhmini.
Natəvan nənəmin gözü yoldadır.
Qacarı sındırıb, geri qaytaran,
Alınmaz qalanın könlü dardadır.
***
Tərtərə baxıram,qaynayıb axır.
Gətirir dağların ab havasını.
Cırıq keçə üstdə yuxuya gedər,
Qaytar insanlara yurd-yuvasını.
***
Babalar ruhunu yad etsin deyə,
Dikilib dağlara həsrətli gözlər.
Yaralı könlünə nalələr salr
Çoban tütəyiylə oyanan düzlər...
***
Möhlət ver,a Tanrı,xari bülbülə
Yoxsa ürəyini odlar nəğməsi.
Nə yaman ağırmış,necə çətinmiş,
Babalar yurdunda yağı nəfəsi!


İlham İdris oğlu .Brest 20.07.2009.