Anam yadıma düşdü

Anam yadIma düşdü,

Gözlərim yaşla doldu.

Qönçələnən gül idi,

Vaxtsız -vədəsiz soldu.

Anam yadıma düşdü,

Ürəyim qürrələndi.

Həqiqəti duyunca,

Saçıma qar ələndi

Anam yadima düşdü,

İşıqlandı çırağım.

,,Hardasan?,,-ixtiyarsız

Pıçıldadı dodağım.

Anam yadıma düşdü.

Gülüşü şirin anam . 

Dəniz tək geniş qəlbli,

Dərya tək dərin anam.

Anam yadıma düşdü.

Tut dibində yay günü

Açdı bayatı ilə

Min arzulu könlünü.

Əzizim, oğul,,- dedi

Bu dünya nağıl-dedi
Hər şey gəldi-gedərdir. 
Tükənməz ağıl-dedi...

Anam yadıma düşdü

Varlığımın əzəli.

Bayatılı,laylalı

Azərimin gözəli...

Anam yadima düşdü

Gözlərim yaşla doldu.

Gör nə qədər xoşbəxtəm

Göz yaşım nəğmə oldu...  
                                             ,

İlham İdrisoрlu 28 sentyabr 2009 Brest